Տևողություն
15.06.2021 – 30.06.2022
Ծրագրի նկարագրություն
Հայաստանում հոգեկան առողջության խնդիրներ ունեցող անձանց տրամադրվող շուրջօրյա խնամքի ծառայությունները մեծապես մատուցվում են խնամքի և հոգեբուժական հաստատությունների կողմից: Հաստատությունները հոգեկան առողջության խնդիրներ ունեցող անձանց մեկուսացնում են համայնքից, նրանց զրկում իրավունքները և ազատություններն իրացնելու հնարավորությունից:
Այդ հաստատությունների ապաինստիտուցիոնալացումը (ինստիտուցիոնալ և այլ մեկուսացնող պայմաններից անցում այնպիսի համակարգի, որտեղ ծառայությունները տրամադրվում են համայնքում՝ հիմնվելով անձանց անհատական կարողությունների և նախապատվությունների գնահատման վրա) ՀՀ-ում մեկնարկել է դեռևս 2013 թ.-ից:
Չնայած ոլորտային քաղաքականության հիմքում ընկած տարբեր փաստաթղթերով նախատեսվել են մեծ թվով այլընտրանքային ծառայություններ մատուցող կառույցներ ստեղծել (որոնց թվում են խմբային տները), դրանց թիվը քիչ է: ՀՀ-ում մտավոր և (կամ) հոգեկան առողջության խնդիրներ ունեցող չափահաս անձանց համար գործում են 4 խմբային տներ՝ «Ջերմիկ անկյուն» հիմնադրամի 3 խմբային տները և Սպիտակի խնամքի տունը:
Ծրագրի նպատակն էր. նպաստել ՀՀ-ում հոգեկան առողջության խնդիրներ ունեցող անձանց՝ համայնքում ներառվելուն և անկախ ապրելուն ուղղված քաղաքականության զարգացմանը՝ մասնակցային հարթակների և հետազոտության իրականացման միջոցով։
Ծրագիրն իրականացվել է 4 կազմակերպություններից բաղկացած «Այլընտրանք» կոնսորցիումի կողմից.
- «Հանրային քաղաքականության ինստիտուտ» ՀԿ,
- «Իրավական հետազոտության և զարգացման կենտրոն» ՀԿ,
- «Առողջապահության քաղաքականության և նորարարութան կենտրոն» ՀԿ
- «Ջերմիկ անկյուն» հիմնադրամ:
Ծրագիրն իրականացվել է «Տվյալներ հաշվետու և թափանցիկ գործունեության համար» (ԴԱՏԱ) ծրագրի շրջանակում:
Աջակցությամբ
Եվրասիա համագործակցություն հիմնադրամ
ԱՄՆ Միջազգային զարգացման գործակալություն