Աշակերտական խորհուրդների հիմնում՝ հանուն քաղաքացիական մասնակցության

Տևողություն

01.09.2020 – 30.06.2021

Ծրագրի նկարագրություն

Ծրագրի նպատակն էր՝ նպաստել անկախ և հաշվետու աշակերտական խորհուրդների (այսուհետ՝ ԱԽ) ձևավորմանն ու
աշակերտների շրջանում քաղաքացիական արժեքների ու մասնակցային մշակույթի ամրապնդմանը:
Ծրագիրն իրականացվել է Տավուշի մարզի 6 գյուղական բնակավայրերի (Ներքին Ծաղկավան, Սևքար, Այգեհովիտ, Չինչին,
Նորաշեն, Մովսես) դպրոցներում:
Իրականացվել են հետևյալ գործողությունները.
• Նշված 6 համայնքների՝ ԱԽ-ներում ընդգրկված աշակերտների համար 2021 թ. հունվարին կազմակերպվել է եռօրյա
ձմեռային ճամբար՝ ԱԽ-ներին առնչվող նրանց կարողությունների զարգացման համար:
• Ճամբարի ավարտին մասնակից աշակերտներն ու մանկավարժները Տավուշի մարզի ԱԽ-ների ցանցի ստեղծման հռչակագիր են
ստորագրել:
• ՀՔԻ թիմը, ճամբարի մասնակից մանկավարժների և աշակերտների հետ քննարկումների միջոցով, մշակել է մի շարք
առաջարկություններ՝ ուղղված ԱԽ-ների գործունեության ինստիտուցիոնալ միջավայրի բարելավմանը: Առաջարկությունները
ներկայացվել են ՀՀ ԿԳՄՍ նախարարությանը:
• 2021 թ. մայիսին կազմակերպվել է 6 համայնքների ԱԽ-ների ներկայացուցիչների ճանաչողական այցը ՀՀ Ազգային Ժողով և
ՀՀ ԿԳՄՍ նախարարություն՝ այդ կառույցների առաքելությանն ու գործունեությանը ծանոթանալու, պատգամավորների և
պաշտոնատար անձանց հետ հանդիպելու, ԱԽ-ների գործունեության և հանրակրթության վերաբերյալ հարցեր բարձրաձայնելու
և քննարկելու նպատակով:
• Նշված 6 համայնքների ԱԽ-ներին տրամադրվել է փոքր դրամական աջակցություն՝ իրենց ծրագրերը կյանքի կոչելու համար:
Այս ծրագրերի թվում են եղել դպրոցական ջերմոցների վերականգնումը և զարգացումը, փայտագործության խմբակի
զարգացումը, աշխարհագրական խմբակի հիմնադրումը, դպրոցի և համայնքի պատմության թանգարանի հիմնադրումը,
ձեռագործության խմբակի զարգացումը:
• ՀՔԻ թիմը մշակել է ԱԽ-ների ձևավորման և գործունեության մասին հանրամատչելի ուղեցույց և անիմացիոն հոլովակ:
Դրանք հատկապես կհետաքրքրեն աշակերտներին և ուսուցիչներին, քանի որ պատմում են ԱԽ ձևավորման կարգի և
իրավասությունների մասին:

Աջակցությամբ

Հայաստանում ԱՄՆ դեսպանատուն
ԱՄՆ Պետական դեպարտամենտ

Արդյունքներ

Ինչպես ստեղծել արդյունավետ աշակերտական խորհուրդ

Ինչպես ստեղծել արդյունավետ աշակերտական խորհուրդ

Ուղեցույց

Տարեթիվ՝ 2021թ.

Հեղինակներ՝ «Հանրային քաղաքականության ինստիտուտ» ՀԿ, Գոհարիկ Տիգրանյան, Ավետիք Մեջլումյան

    Ինչպես ստեղծել արդյունավետ աշակերտական խորհուրդ, Անիմացիոն հոլովակ, 2021թ.

    Առնչվող նյութեր