Տևողություն
15.07.2021 – 15.12.2021
Ծրագրի նկարագրություն
Հայաստանը 2003 թ.-ից ներգրավված է Տնտեսական համագործակցության և զարգացման կազմակերպության (ՏՀԶԿ) Արևելյան Եվրոպայի և Կենտրոնական Ասիայի երկրների հակակոռուպցիոն ցանցի (ՀԿՑ) Ստամբուլյան հակակոռուպցիոն գործողությունների ծրագրում (ՍԳԾ): Որոշակի պարբերականությամբ ՏՀԶԿ շրջանակներում պատրաստվում է առանձին երկրին նվիրված, մոնիտորինգի վերաբերյալ զեկույց, որտեղ վերլուծվում է տվյալ երկրի՝ հակակոռուպցիոն բարեփոխումների և ՍԳԾ շրջանակներում առաջարկությունների կատարման առաջընթացը:
Ծրագիրն անդրադարձել է 2018 թ. հուլիսին ընդունված ՍԳԾ մոնիտորինգի 4-րդ փուլի՝ Հայաստանի վերաբերյալ զեկույցին, որը ներառում է բարձրագույն կրթության (ԲԿ) ոլորտի վերաբերյալ 5 առաջարկություն՝ 16 կետերով:
Իրականացված հետազոտության նպատակն էր՝ գնահատել ՏՀԶԿ 2018 թ. զեկույցի՝ ԲԿ ոլորտին վերաբերող 16 առաջարկությունների կատարումը:
Հետազոտության խնդիրներն էին.
- Նկարագրել ՏՀԶԿ յուրաքանչյուր առաջարկության իրագործմանն առնչվող ներկա իրավիճակը՝ փաստերի շարադրման և վերլուծության միջոցով:
- Գնահատել ՏՀԶԿ յուրաքանչյուր առաջարկության իրագործման արդյունքում բարեվարքության համակարգում նկատելի արդյունքներն ու առաջընթացը:
- Բացահայտել ՏՀԶԿ առաջարկությունների իրագործման ինստիտուցիոնալ, իրավական և այլ խոչընդոտները:
- Առաջարկություններ ներկայացնել ՏՀԶԿ առաջարկությունների հետագա արդյունավետ իրագործման և դրական ազդեցության խորացման համար:
Աջակցությամբ
Թրանսփարենսի Ինթերնեշնլ հակակոռուպցիոն կենտրոն
ԱՄՆ Միջազգային զարգացման գործակալություն